حضبة وشهود......على ذبيحة قنفود....
مثل نسمع بيه لين شفتو اليوم في نزل القصبة ....حيث دعيت إلى حضبة وشهود
على ذبيحة قنفود...وكما قال القائد الراحل معمر القذافي:
افرحوا…!
غنوا...! ارقصوا...! يا قراوة .....راهو باعث القناة
سي زهير اللطيف أو لطيف كما يحب أن يسمي نفسه بعد أن اشتهر في التونسية...جابلكم
رقم قياسي عالمي للقروان.....طلعوا آش نوا؟؟؟؟
لا موش أطول كياس......وموش أطول قنطرة......وموش أكبر مصنع....وموش أسرع
قطار.....وموش أكبر مطار......ولكن.....شدوا رواحكم.....اربطوا الأحزمة......
أكبـــــــــــــــر عصــــــــيدة في العــــــــــــــالمممممممممم...............
يا خيبة المسعى........
الراجل محضر فيلق من الصحافيين...والمراسلين....والاذاعات...والتلافز.....والجمعيات....وجايبلهم
طباخ يحكينا على عصيدة القرن ل1000 شخص وشخص.......ولكن الغريب أن بعض الحضور
عاجبوا الحال وقالك تشجييع للسياحة....وكيما في اسبانيا عندهم مهرجان رمي
الطماطم....
يا سيدي خلينا نوليو في شطر اسبانيا واعملنا حتى مهرجان الحلفة أو القرط.....
والأغرب من هذا وذاك أن السيد المستشار وولد البلاد الى باش يدبر ويجيب الحراير
الى باش يثردو العصيدة يحب زادة يرجعنا للعادات الشركية والبدع متاع الجهلوت وقالك
نحلوا الزوي نهار المولد ونوكلوا فيها العصيدة العالمية ونتبركوا بالأولياء
الصالحين......
نحب نقلوا يرحم أيام اعدادية 7 نوفمبر....وسلملي على الدفورات.....والفاهم
يفهم.....وما نجم نقول في الآخر كان:
يا أمة ضحكت من جهلها الأمم
خالد السقني
Aucun commentaire:
Enregistrer un commentaire